Аймақтық кеңес Ресей Федерациясының Президенті жанындағы Ресей ұлттық экономика және мемлекеттік қызмет академиясы (РАНХиГС) негізінде Росаккредагентство, АККОРК және ЮНЕСКО-ның ұйымдастыруымен өтті.
ЮНЕСКО-ның Шығыс Еуропа мен Орталық Азия елдеріне арналған сапаны қамтамасыздандыру бойынша аймақтық кеңесін Росаккредагентствоның директоры Измайлова Л.С. және АККОРК директоры Соболева Е. ашты.

ЮНЕСКО-ның жоғары білім бөлімінің бастығы - Питер Уэллс пен Ресей Федерациясындағы ЮНЕСКО комиссиясының Атқарушы хатшысы - Орджоникидзе Г. кіріспе сөз сөйледі.
Жоғары білім саласындағы сапаны қамтамасыздандырудың Халықаралық желісінің (INQAAHE) президенті, Сюзанна Караханян «Жоғары білім саласындағы сапасы» тақырыбында баяндама жасады.

ЮНЕСКО-ның аймақтық кеңесінің пленарлық отырысында Шолпан Каланова, Білім беру сапасын қамтамасыздандыру тәуелсіз қазақстандық агенттігінің (БСҚА) президенті, Еуропалық стандарттар мен басты қағидаларын (ESG) алға бастыру және Қазақстандағы жоғары білім беру сапасын қамтамасыздандыру жүйесін дамыту, сондай-ақ БСҚА жұмысының нәтижелері туралы баяндама жасады. ЮНЕСКО-ның аймақтық кеңесінің қатысушылары Қазақстанның жоғары білім саласындағы сапасын қамтамасыз етудегі жетістіктерін және БСҚА жұмысының нәтижелерін жоғары бағалады.

ЮНЕСКО-ның аймақтық кездесуінің екінші күніндегі пленарлық отырыста Еуропалық қауымдастығының (ENQA) президенті, Аккредиттеу және сапаны қамтамасыз ету швейцариялық агенттігінің (AAQ) директоры Кристоф Гролимунд және Жоғары білім сапасын бағалау орталығының (SKVC, Литва) директоры, Орталық және Шығыс Еуропадағы жоғары білім беру сапасын қамтамасыз ету жөніндегі агенттіктері желісінің (CEENQA) президенті - Нора Скебурскиене сөз сөйледі.

ЮНЕСКО-ның аймақтық кеңесі қатысушыларға қол жеткізген нәтижелерімен бөлісуге және Шығыс Еуропа мен Орталық Азия елдеріндегі жоғары білім беру саласында сапаны қамтамасыз етуінің дамыту келешегін белгілеуге көмектесті, толығырақ  www.nica.ru сайтынан көре аласыздар.